Boðað er til aðalfundar Öldu, félags um Sjálfbærni og lýðræði, mánudaginn 19. október 2020 kl. 20:00. Fundurinn verður eingöngu á netinu, í gegnum fjarfundarbúnað, vegna faraldurs kórónuveiru sem nú er yfirstandandi.
Dagskrá fundarins er eftirfarandi:
1. Kosning fundarstjóra
2. Skýrsla stjórnar
3. Framlagning reikninga
4. Umræður um skýrslu stjórnar og reikninga
5. Lagabreytingar
6. Kosning kjörnefndar
7. Kosning stjórnar
8. Önnur mál
Sérstök athygli er vakin á því að framboð til stjórnar og lagabreytingartillögur þurfa að berast í síðasta lagi 14. október 2020 með tölvupósti á netfangið aldademocracy@gmail.com. Nánari tilhögun á aðalfundi má finna í lögum félagsins.
***
Eftirfarandi hafa boðið sig fram til stjórnar Öldu:
- Sævar Finnbogason, doktorsnemi í heimspeki og lýðræðisfræðum
- Kristján Gunnarsson, sameindalíffræðingur og tölvunarfræðingur
- Guðmundur D. Haraldsson, MSc í Cognitive & Decision Sciences, BS í sálfræði
- Bára Jóhannesdóttir, MA félagsfræði, BA nútímafræði
- Guðmundur Hörður Guðmundsson, umhverfisfræðingur og sagnfræðingur
- Þorvarður B. Kjartansson, tölvunarfræðingur
- Anna Margrét Pétursdóttir, BA í stjórnmálafræði, MSc nemi í Politics of Conflict, Rights and Justice við School of African and Oriental Studies, London.
***
Eftirfarandi tillaga að lagabreytingu hefur borist frá Guðmundi D. Haraldssyni, stjórnarmanni í Öldu:
Síðasta setning síðustu málsgreinar 5. gr. hljómi svo:
Framboð til stjórnar skulu berast stjórn félagsins a.m.k. fimm dögum fyrir aðalfund og kynnt á vefsvæði félagsins a.m.k. fjórum dögum fyrir aðalfund.
En þetta kemur í stað:
Framboð til stjórnar skulu berast stjórn félagsins a.m.k. fimm dögum fyrir aðalfund og kynnt á vefsvæði félagsins og með tölvupósti til félagsmanna a.m.k. fjórum dögum fyrir aðalfund.
Markmiðið er að færa lög félagsins í átt að því sem gengur og gerist meðal annarra félagasamtaka.
Með þessu yrði þó áfram boðað til aðalfundar eins og verið hefur, með tölvupósti til allra félagsmanna, en kveðið er á um það í 4. gr.
***
Upplýsingar um hvernig má tengjast fundinum:
- Notast verður við Zoom
- Tengjast má við fundinn með því að smella hér eftir að Zoom forritið hefur verið sett upp
- Drög að skýrslu stjórnar má finna hér
Stjórn Lýðræðisfélagsins Öldu.